CHAPTER 49
Alas singko na ng hapon nang maisipan ni Castiel na pumunta ulit ng ospital.
Alam niya kasi na hindi pa babalik si Breigh sa Black Island dahil sigurado siya na hindi ito pinayagan ni Lee. Kaya naman para meron siyang alibi na pumunta at bumisita sa ospital ay nag dala siya ng mga pagkain na niluto ng cook sa Isla pati na rin ang mga kakanin na dala-dala ni Manomg Jose nung umaga.
Wala na rin si Manong Jose kaya naman napilitan siyang maglakad na lang papunta sa may kalsada para makahanap siya nang masasakyan papuntang ospital.
Hindi niya pa rin maiwasan na isipin ang nangyaring pag uusap nilang dalawa ni Ellaine kanina. Kitang-kita niya kasi na hindi nagustuhan ng babae ang naging pag uusap nila at nagi- guilty siya doon.
Napabuga na naman siya ng malalim na pag hinga.
