Agad silang sinalubong ni Menardo nang makabalik sila sa hide out, nasa mukha nito ang pagtataka nang makita ang hitsura ng kanilang sasakyan.
"Ano'ng nangyari?" maang na tanong nito.
"May sumunod sa amin at tatlong beses kaming binangga," saad ni Philipp sa kanyang hepe.
"What? You didn't call for a back-up?" maang nito pero agad na natahimik nang titigan ni Philipp ito.
"Hindi na dahil natakbuhan din naman namin," mahinang tugon ni Philipp sa kanyang boss.
Hindi kumibo si Menardo.
"Pwede ka nang magpahinga, Black Princess," baling ni Philipp kay Lorraine. Alam niyang nakikiramdam ang babae sa kanila ni Menardo pero nagsimula itong humakbang patungo sa direksyon ng silid nito.
Nang makitang wala na si Lorraine ay agad siyang tinanong ng hepe hinggil sa pagsunod sa kanila.
"Bakit
