Jenny
NANG kumagat ang dilim ay nagdesisyon na ang mga kaibigan ni Sky na umuwi. Punong-puno ng tuksuan at asaran nila ang bahay namin. Hindi kami naging tahimik dahil palaging pikon si Skyler.
Naiwan kaming dalawa rito at heto nga siya parang sinapian na naman ng ibang ispiritu, ispiritung napakalambing.
"Dwarf, subuan mo ako, please," nakangusong aniya.
"Bakit? Wala ka bang mga kamay?" nakataas ang kilay kong tanong para asarin siya.
"Eh sige na. Gusto ko subuan mo ako. Please?" naglalambing niya akong niyakap mula sa likod na dahilan kung bakit tuluyan na akong bumigay.
Wala kang kasing-rupok, Jenny Ahbighael Lee-Takagi. Uy! Bagay pala?
Wala na akong nagawa kundi subuan si Sky. Kung di ko lang siguro mahal 'tong lalaking 'to baka pinalunok ko na sa kaniya ang mga kubyertos. Pero
