Hindi ko pa din sigurado kung ano ang naisipan ni Joseph at may pagsulat pa siyang nalalaman. Pwede naman niyang sabihin sa akin ang bagay na iyon. Kinalimutan ko na lang ang nangyari at lumabas na ako ng aking silid. Tiyak na hinihinitay na ako ng aking mga bisita.
Dapat akong magsaya ngayong araw pero ang kabilang bahagi ng aking isip ay sinasabi na dapat akong mag-ingat. Maging si Divina ay tila nais akong idikit sa kanyang katawan upang hindi ako mapahamak. Si Lola Ima naman ay nahuhuli kong madalas na nakatingin sa akin.
"I need air.” Pagpaparinig ko kay Divina upang mapansin nito ang aking nararamdaman ngayon. Tinignan lang ako nito at tila walang narinig dahilan upang mapailing ako.
Nakita ko si Joseph na nakikisalamuha sa madaming tao. Lalapitan ko sana siya pero bigla din si
