┈┈┈┈◦•✩•◦┈┈┈┈
Dalawang araw ang lumipas mula ng masugpo nila Marcus ang lahat ng galamay ng taong utak sa pagpatay sa mga mahal sa buhay ni Thomas. Naibalita na rin sa tv news at sa mga social media ang tungkol sa pagpapakulong sa mga taong nakaupo sa gobyerno at ang mga kapulisan at ang ilan pang sangkot sa mga illegal na gawain.
Alam ni Thomas na napanuod ng kanyang Tito Zeke ang lahat ng 'yon dahil maaga pa lang ay usap-usapan na ito sa loob ng building ng kanyang ama. Nandito siya ngayon sa kumpanya ng kanyang ama, kung saan ay acting CEO ang kaibigan ng kanyang ama na kinikilalang pangalawang ama ni Thomas. Ang kaibigang pinagkatiwalaan pero trinaydor sila.
Dumating si Marcus, ngiting-ngiti pa ito at binati pa ang Tito Zeke ni Thomas na akala mo ay walang alam tungkol sa nangyaya
