┈┈┈┈◦•✩•◦┈┈┈┈
Anim na buwan na ang lumipas. Nuong una ay nahirapan si Agatha na makaahon sa kalungkutan. Pero dahil nandiriyan ang kanyang mga kaibigan ay naging matatag siya, naging palaban upang harapin ang kanyang kabiguan. Mula ng umalis sila sa dating apartment na tinutuluyan nila ay hindi na rin sila nagparamdam pa kay Melanie. Nagbago sila ng numero at nag-iwan lang sila ng mensahe na mahal na mahal nila ang kaibigan nila, at kapag ready na sila ay makikipag-usap muli ang mga ito.
Wala rin kaalam-alam si Melanie tungkol sa nangyayari kay Agatha dahil ayaw na nilang madamay pa sa lahat ng gulo ang kanilang kaibigan. Nalaman din kasi ni Agatha mula sa mga tauhan ni Thomas sa hacienda na tumiwalag na ito sa organisasyon. Kung ano man ang dahilan ay hindi niya nalaman, pero sa isang
