TULALA lang si Hamiel habang inaayos ng mga staff ni Tomomi sa Keithan Apparels ang suot niyang tuxedo. Ang lahat ng members ng Karisma Band ang napili ngayong mag-endorse ng wedding collections ng kompanya. May pictorial and video shoot sila ngayon sa Hacienda Canilao sa Batangas na isa sa mga destination wedding venue sa nasabing probinsiya. Pang-anim na palit na niya iyon ng damit. It was already four in the afternoon. Tumatagal ng isang oras kada-bihis niya ang shoot. Lahat kasi ng suot niya mula sa ginamit na pomade sa buhok niya, relo, wedding ring, belt, necktie, ang mismong damit, medyas at sapatos ay mabusising kinukuhanan. Sponsored lahat ng iyon.
Ang pinasuot sa kanya ngayon na navy blue tuxedo ang napiling gamitin para sa group shot. He would portray a groom for the entire
