“UY, MAGANDA ba?”
Napaangat ng tingin si Hamiel mula sa binabasang blog sa laptop niya. Tumambad sa harap niya si Limien in a red dress na revealing na naman ang hinaharap at backless uli. Yes, she was pretty. Kahit pa ano’ng isuot nito ay siguradong lilitaw ang kagandahan ng kaibigan niyang ito. Pero dahil ayaw na niyang i-tolerate ang pagpapa-charming nito kay Vlad, sumimangot siya.
“Hindi bagay sa ’yo,” maikling tugon niya sabay balik ng paningin sa binabasang blog.
Article iyon tungkol sa kanya at sa kanyang so-called romantic relationship for real daw with Limien. Hindi nakatakas sa mga intrigerong press media ang pag-console sa kanya ng kaibigan nang mamatay ang kanyang ama ilang buwan na ang nakalilipas. Ang tagal-tagal na ng isyu pero hanggang ngayon ay hindi pa rin mamatay-m
