NAGKATINGINAN sila ni Hamiel na mukhang kinabahan din. Alanganing ngiti ang nakapaskil kay Limien nang balingan niya ang kanyang ina. Masama ang tinging ipinukol ni Mama Sandra sa kanila.
“’M-Ma! Akala ko po mamaya pa ang dating mo. Susunduin ka pa nga sana namin.” Lumapit siya rito at humalik sa pisngi nito.
Pinagtaasan lang siya nito ng kilay. Napangiwi siya.
“Aba, buti na lang at dito ako dumiretso. Eh, kung ’di ako dumating baka kung saan na kayo nakarating.” Hirit ni Mama Sandra sabay baling sa boyfriend niya. “Right, Hamiel?”
“G-Good morning po, Tita?” patanong na pagbati ni Hamiel.
Siniko niya ito. Tama bang iyon ang isagot sa tanong ng nanay niya? Alanganing ngiti ang tinugon ni Hamiel sa kanya. Dahil sa tugon nito ay lalong sumeryoso ang nanay niya. And that’s not quite
