Nagkagulo ang mga tauhan ni Lukas sa gate nang biglang dumating ang capo na ama ni Eliana, galit na galit, at nagpupumilit na pumasok sa loob ng propiedad ni Lukas de Crassus. Sigaw ito nang sigaw at iginigiit na humarap siya rito.
Nakatayo lang si Ireta sa terasa sa ikaapat na palapag at nakatanaw sa kumpol ng mga taong nagkakagulo. Kinuha niya ang cellphone at tinawagan si Edilbar. “Ginawa mo ba ang pinagagawa ko sa iyo?” tanong niya agad nang sagutin ng alalay ang tawag niya.
“Yes, Madam, nagawa na.”
“Good.”
Hustong pinindot niya ang end call nang may mga kamay ang humawak at dumiin sa baywang niya mula sa likod. Nagulat siya nang bahagya, pero nakilala niya agad ang pamilyar na init ng katawan ni Lukas. Hinawi nito ang mga hibla ng buhok na nasa kanang leeg niya at inipon iyon sa k
