Chapter 41: Kuryosidad
SABAY na silang nagtungo sa labas ng mansyon at hinintay na mayroong dumaang bus. Gaya noong nauna nilang biyahe ay mayroong dumating kaagad na sasakyan kaya nakaalis ng mas maaga.
Namamangha pa rin si Maureen sa kanyang mga nakikita sa siyudad. Kahit pa’y pangalawang beses na niya itong nakapunta ay namamangha pa rin ang kanyang mga mata sa mga nakikita.
“Hindi ako magsasawa na tingnan ang mga nakikita ko ngayon Cute. Nagagandahan pa rin talaga ako sa siyudad. Kasi naman ang lalaki ng mga estbalisyemento, may maraming bulaklak at landscape sa paligid at bagong-bago ang lahat sa aking mga mata.”
“Alam mo, naiintindihan kita kasi kagaya mo ay ganyan din ako dati. Pero sa daming beses ko nang nakapunta rito ay hindi na ako naninibago pa. Kagaya ko ay masasanay ka
