Chapter 20: Isipan
HABANG naglilinis ng swimming pool si Maureen ay biglang bumalik sa kanyang alaala ang tagpo na kung saan niya unang nakitang naka-swimming trunks si Thouyer. Tandang-tanda pa niya ang naganap noong gabing iyon. Lalo na kung paano siya pagalitan ng lalaki at ang kanyang pagtitimpla ng kape.
“Ano na naman iyang iniisip mo? Alam mo parati nalang kitang napapansin na tulala? Huhulaan ko?”
“Na-miss ko lang si Lola,” pagsisinungaling ni Maureen.
“Ay sos, hindi ka naman ganyan dati, e. Alam mo may konretong dahilan pa e kung bakit ganyan ka ngayon. At hindi ako naniniwala na ang lola mo ang dahilan. Girl, kaibigan kita at kilalang-kilala na kita noon pa. Tinitingnan ko palang ang mga mata alam ko na kung nagsasabi ka ba ng totoo o hindi. Kaya huwag ka nang magsinungaling
