HINDI pa rin kami nakakapag-usap ni Gareth. Abala siguro siya sa ibang bansa kaya kahit ang magpadala ng message ay hindi niya magawa. Abala rin naman ako sa school dahil sa nalalapit na exam namin.
Nagkakagulo sa school namin isang hapon. Ang mga estudyante, lalo na iyong mga babae ay nagkukumpulan malapit sa opisina ng director ng school. Hindi ko pa alam kung anong dahilan.
Naita ko si Clarity. Pareho na ata kaming walang klase at handa nang umuwi.
“Anong mayroon doon?” tanong ko habang naglalakad.
“Hmm, naandiyan daw si Congressman, eh. Kasama iyong anak niya. Ang anak ang pinagkakaguluhan talaga.” Humalakhak si Clarity. “Narinig ko lang sa ibang kaibigan ko. Hindi ko sigurado kung totoo.”
Nagkibit-balikat na lamang ako. Nagyaya si Clarity na pumunta kami sa bagong bukas na coffee
