NAGING abala ako sa aking school kaya’t bihira rin kaming magkasama ni Gareth. Siya naman ay naging busy rin sa kanilang negosyo. Nag-focus ako sa pag-aaral dahil sa mga nalalapit na exams namin. Tatlong araw rin ang exam namin kaya’t sa tatlong araw na iyon ay hindi kami nagkita ni Gareth.
Halos magtatalon ako sa tuwa nang matapos ang exam sa pangatlong araw. Confident naman ako sa mga isinagot ko kaya alam ko na hindi ako babagsak.
Nakatanggap ako ng text kay Clarity na hintayin ko raw siya ngayong uwian. Sabay na raw kaming pumunta sa mga Benavidez dahil doon din naman siya patungo. Gusto ko mang umuwi na ay hinintay ko ang kaibigan.
Sa tuwing napapadaan ako ay tumitingin sa aking direksyon ang mga estudyante at nagbubulungan. Kapag tumitingin ako sa kanila ay nag-iiwas sila. Iniisip
