HINDI ko maintindihan kung bakit ang bilis ma-attach ng tao sa iba. Na kahit hindi pa nila lubos na kakilala ay masasabi na nilang gusto nila ang isang tao o hindi kaya’y ituturing na parang ang tagal na nilang magkakakilala. Ganyan na ganyan ako. Siguro dahil madalas, naghahanap ako ng kalinga ng isang ama, at dahil hindi ko iyon makita sa tunay kong tatay ay sa ibang tao ko hinahanap ang pagmamahal na kailanman hindi ko matatanggap mula sa nag-iisang taong iyon.
Wala akong pokus habang nakikinig at nakatulala sa whiteboard ng aming classroom. Nasa kalagitnaan ako ng klase pero ang isipan ko’y lumilipad. Ni hindi ko na nga maintindihan kung anong laman ng nile-lesson ng aming guro ngayon.
Nagkaroon lamang ng iilang gawain at tapos na ang klase ko sa araw ng Lunes. May mangyayaring repor
