SIMULA noon ay hindi ko na nga nakitang bumalik si Cassandra sa bahay ng mga Benavidez. Ewan ko ba, pakiramdam ko ay may tinik na nawala sa dibdib ko nang araw na sabihin sa akin ni Gareth na ayaw niya ring pumupunta rito si Cassandra.
May mga araw na kapag wala akong ginagawa o tapos na sa trabaho ay nililibot namin ni Gareth ang kanilang lupain. Sinasama niya rin ako sa plantasyon nila at sa farm ng mga bulaklak. Kagaya nga ng pinangako niya sa akin isang beses, binigyan niya ako ng magagandang bulaklak.
Minsan naman ay sumasakay kami ng kabayo at tinuturuan niya ako. Nagpupunta kami ng beach at naliligo roon o kung hindi naman ay nanunuod lang ng sunset. Nasasanay na ako na parati ko siyang kasama at natatakot ako kapag sobra akong napalapit sa kanya.
Hindi ako iniiwan ng kaisipang:
