INALIW ko na lamang ang sarili sa trabaho. Naglilinis ako nang malaking garden dito sa mansyon. Ngunit hindi maitatangging naalala ko ang mga sinabi ni Gareth kanina.
May iba siyang gusto. Napabuntong-hininga ako. Oo naman. Halata naman sa kanya. Baka nga gustong-gusto na niyang umuwi ng Maynila para lang makita iyong babaeng gusto niya. Hindi na ako dapat magtaka kung may naiwan siyang girlfriend doon.
Nagwawalis lamang ako ng mga tuyong dahon. Wala na naman kasing masyadong gagawin. Parati namang malinis ang bahay na ito at madalas ang mabibigat na trabaho at komplikado ay sina Aling Susan ang gumagawa.
“Serena!”
Napatalon ako nang biglaan kong narinig ang pagtawag ng lalaking kanina lamang ay iniisip ko. Hindi pa man ako tumitingin sa kanya ay kinakabahan na ako nang malala.
Dahan-
