HABANG naglalakad ako pauwi ay may bumusinang sasakyan. Nilingon ko ito para makita ang pamilyar na sasakyan nina Mayor. Tumigil ito sa pag-andar sa gilid ko at bumaba ang bintana ng driver’s seat. Ngumiti ako nang makita ko si Luis.
“Hi, Serena! Pauwi ka na?” tanong niya sa akin. Tumango naman ako bilang sagot sa kanya. “Gusto mo munang sumama sa akin? Minsan na lang tayo magkita. Kwentuhan lang, kahit sandaling oras lang.”
Tiningnan ko ang dala niyang sasakyan at marahang tumawa. “Hindi ka ba pagagalitan ni Mayor? Dala mo iyang sasakyan niya. Baka hanapin ‘yan.”
“Hindi. Ang alam nila ay pinapaayos ko ito. Mabilis namang naayos kaya may oras pa ako bago bumalik sa bahay nila. Tara na!”
Humahalakhak akong pumunta sa front seat. Sumakay ako at umayos ng pagkakaupo. Pumunta lang naman ka
