MAAGA akong gumising para pumunta sa mansyon ng mga Benavidez. Kung noo’y kinasusuklaman ko ang pumunta rito magmula nang dumating si Gareth, ngayon ay panatag na ang loob ko.
Para pa ring isang panaginip sa akin na gusto niyang makipagkaibagan sa isang kagaya ko. Parang kailan lang ay nagbababag pa kaming dalawa.
Nasa malayo pa lamang ako ay natanaw ko na si Luis, iyong kaibigan ko na nagtatrabaho kina Mayor. Tumakbo ako papalapit doon at kinausap siya.
“Magandang umaga, Luis! Anong ginagawa mo rito?”
Nagulat pa siya sa ginawa kong pagbati ngunit ngumiti rin naman. Tumingin siya sa mansyon ng mga Benavidez bago muling ibalik ang titig sa akin.
“Naandito sina Mayor.” At tinuro niya ang kotseng dala niya. “Absent kasi ang driver nila kaya ako muna ang nagmaneho para sa kanila.”
Ako n
