IBINALITA kaagad sa akin ni Mayor na hindi na niya tatanggalin ang aking scholarship. Narinig ko pa ang mga protesta nina Tita Donna at Cassandra pero hindi ko na iyon pinansin pa. Masaya na ako sa balitang nasa akin pa rin ang scholarship ko.
Isang gabi ay nagyaya si Gareth na roon ako matulog sa kanila. Nahihiya pa ako nang sabihin niya iyon pero pumayag din naman ako. Kung anu-ano pa ngang ideya ang mga pumapasok sa isipan ko ngunit dala na rin siguro ng pagod dahil sa trabaho ko sa maghapon ay nakatulog din agad ako. Walang nangyari sa pagitan namin ni Gareth.
Naalimpungatan ako sa kalagitnaan ng pagtulog ko. Kinapa ko ang katabi ko pero wala si Gareth doon. Babangon pa sana ako nang marinig ko ang boses niya.
“Any update?” tanong ni Gareth sa isang mahina at malalim na boses. Nagpa
