✿✿♡ KIM ♡✿✿
NINE-THIRTY nang gabi, kasalukuyan akong nakaharap sa laptop ko at sinisikap kong makapagsulat. Dinala ko ang laptop ko rito para sana kahit papaano kapag may time ako ay magawa kong magsulat. Simula kasi noong nag-update ako, hindi pa ulit iyon nasundan. Pero ngayon, halos thirty minutes na akong nakaharap sa screen, wala pa rin akong nasisimulan.
Naagaw ang atensyon ko nang tumunog ang cell phone ko. Nang sulyapan ko ang screen, pangalan ni Tisay ang nakita ko. Dinampot ko ang phone ko at pinindot ang green button sabay angat sa tainga ko.
“Ate, may pera ka ba?” bungad niya sa ‘kin. “Hindi ko ma-i-release ang grades ko dahil hindi pa ‘ko fully paid sa tuition ko.”
“Si mama?” Hindi ko hinahanap si mama, at alam niya ang ibig kong sabihin.
“Nagbayad daw s’ya ng utang kaya
