JULIAN WY
HINDI sana ‘ko aalis para pumunta sa bar dahil walang kasama ang mga anak ko sa bahay. Si Kim kasi, umuwi na sa apartment niya kaninang alas sais ng hapon pagdating ko. Pero buti na lang dumating si Ella sa bahay, doon daw siya mag-sleep over. Para payagan ko siya, nag-request ako na samahan muna ang kambal.
Pero kahit naroon na siya, ginawa ko pa rin muna ang duty ko bilang ama. Hindi ako umalis sa bahay hangga’t hindi tulog ang dalawa. Binasahan ko rin sila ng story kahit na puro pangba-bash ang bumabalik sa ‘kin dahil wala raw akong feelings magbasa, unlike Kim daw.
Noong nakatulog na sila, saka ko binilinan si Ella na silip-silipin sa kwarto ang dalawa kung magigising. Doon pa lang din ako umalis para pumunta rito sa bar at makipagkita kay Ace. Simula kasi dumating ako gal
