✿✿♡ KIM ♡✿✿
MABUTI na lamang ay nalibang ulit si Jade sa paglalaro ng mga stickers niya kaya hindi niya napansin noong pumasok sa bahay ang isa sa mga guwardya sa labas para ihatid sa akin ang ipina-deliver na cake ni Julian.
Dinala ko agad iyon sa kusina at siya kong inatupag para alisin ang sandamakmak na strawberry toppings sa ibabaw. Habang tinatanggal ko ‘yon at nililipat sa isang food container, natakam ako kaya sumubo ako ng isa, dalawa, tatlo, apat, hanggang sa makaanim ako.
Kumuha ako ng dalawang plato at nag-slice ng cake para sa kambal. Tutal naman ay gising na si Jayden dahil naririnig ko na siyang nakikipagkaladyaan kay Jade sa living room.
Ilang sandali pa, nang makapaglagay na ako ng cake sa tig-isang plato, pinuntahan ko na sila para tawagin. “Your cake is ready!”
“Waa
