“H-huh?” That caught her awkward. Hindi alam ni Avon kung nabibingi lang ba siya sa sinabi ni Keith or dinadaya lang siya ng pandinig niya.
“Gusto mo ba?” maingat na tanong ni Keith. Halata sa boses nito ang pag-aalinlangan. Halatang pinapalakas lang nito ang loob. Gone is the playful Keith.
“Nakasinghot ka ba ng katol?” naguguluhang tanong ni Avon. Hindi niya maintindihan kung bakit biglang gusto ni Keith na subukan nila. Kung tutuusin ilang beses na ba nitong sinabi na huwag mahulog dito? Oo nga at hindi nito direktang sinabi sa kanya pero the way na sinabi nito iyon ay parang pinatatamaan siya nito.
Bahagyang natawa si Keith. “Grabe, tinatanong kita kung gusto mo bang subukang mag-level-up tayo tapos tatanungin mo ako kung nakasinghot ba ako ng katol. Malamang hindi. Naka-aircon
