Tulalang nakatingin lang si Avon kay Keith. Gusto niyang tumawa nang malakas pero ‘di niya mahanap ang tinig niya. Gusto niyang tumawa para tuluyang mawala ang bigat ng dibdib na nararamdaman niya.
Pakiramdam ni Avon ay talo na siya bago pa lamang nagsimula ang laban ng puso niya. Akmang tutugon sana siya sa sinabi ni Keith nang biglang dumating ang nakababata nitong kapatid na si Cheska kasama nito si Kristoff at Tasha.
“Kuya!” patakbong lumapit si Cheska sa kanila at niyakap si Keith mula sa likuran.
Avon bit her inner cheeks and forced a smile. Mukhang hindi na matutuloy ang pinag-usapan nila ni Keith. Mabigat pa rin sa loob niya ang sinabi ni Keith. Pero ano ang magagawa niya? Sa sobrang sakit ng puso niya ay hindi na niya pinansin na magkasama sina Kristoff at Tasha. Wala na sa isi
