MAAGANG HINATID ni Paul si Amara ng hapong iyon. Hindi siya nito pinayagang umuwi mag-isa lalo at maputla pa raw siya. Sigurado naman siyang maayos na ang pakiramdam niya. Pero kapag si Paul kasi ang nagsalita, hindi siya pwedeng kumontra mapatungkol man iyon sa trabaho o personal na bagay.
Bago siya tuluyang hinatid sa apartment niya ay dumaan pa sila sa drugstore, laking gulat niya ng abutan siya ni Paul ng vitamins. Inumin niya raw para mas mabilis bumalik ang lakas niya. Hindi niya maiwasang mapangiwi ng mabasa kung ano ang bitamina na iyon, folic acid! Isa sa pinaka-ayaw niyang iniinom dahil sa lasa nun.
“Oh, alam kong hindi maganda ang lasa niyan, pero kailangan mong tiisin para na ri sa ikagaganda ng health mo, okay?” malumanay na wika ni Paul habang inaayos ang seatbelt nito. Il
