"Kami na lang ang bababa, Kuya. Eto nga pala ang bayad ko," ani Paul sa bangkero.
Namangha at nanlaki naman ang mata ng lalaki pagkaabot ng bayad niya.
"Masyadong malaki ito, Sir."
Pero tumango lang si Paul at tinapik sa balikat ang lalaki." Walang anuman yan."
"Salamat, Sir. Sige po, ako na lang ang magbabayad diyan sa paglilipatan niyo."
Umiling si Paul.
"Wag mo na isipin 'to. basta mag-iingat ka na lang diyan sa pasahero mo. Huwag mo hayaang may bastusin siyang ibang tao."
Tumango naman nang sunod-sunod ang lalaki saka sila tinulungang makalipat sa bagong dating na bangka.
Nakahinga nang maluwag si Amara sa nasaksihan, inakala niya kasing susugurin nanaman nito yung foreigner. Dali-dali niya na lang kinuha ang gamit niya upang makasunod na rin kay Paul.
"Hey, sexy lady," untag
