MARAHANG yugyog sa balikat ang gumising kay Ianira. Sa pagdilat niya, bumungad sa kaniyang paningin ang guwapong mukha ni Hunter. Simpatikong nakangiting nakatunghay sa kaniya.
"Ano bang meron kang lalaki ka at pati sa pagtulog ko ang guwapo mong mukha ang nakikita ko?" tanong niya sa sarili sa pag-aakalang nananaginip lang siya. Halatang hindi pa tuluyang gising ang diwa niya at hindi naalalang magkasama nga pala sila ng binata. Napaawang ang kaniyang mga labi nang makitang lalong lumapad ang pagkakangiti nito.
"I have nothing to do with what you see. E, talagang likas na akong guwapo."
Pinanlakihan ng mata si Ianira. Hindi siya nananaginip. Wala sa sariling tinampal ang noo. Magkasama nga pala sila ni Hunter. Pinamulhan siya. Nag-iwas siya ng tingin rito. Hindi niya matagalan ang ma
