"Bakit? Anong nangyari?!" Napabaling ako sa pinto at nakita ko ang mabilis na pagpasok ni ate Doray dito sa loob.
Natanaw ko rin sa labas ng pinto si Sir at nakatitig sa akin ngunit mabilis din siyang umalis.
"Halika na, bebe girl. Tumayo ka na dyan. Tinatakot mo na ako." Napatingin ako kay ate Gina nang marinig ko siyang umiyak.
Hindi ko magawang labanan ang pangangatal ng aking mga braso at kamay. Muli kong kinagat ang aking mga daliri upang mawala ang panginginig nito.
"Halika na, Avriah. Dito tayo sa kama. Walang mananakit sa iyo. Narito kami ng ate Gina mo at si Sir. Kami ang bantay mo." Inakay ako ni ate Doray upang makatayo.
Hinayaan kong hilahin niya ako. Muli akong lumingon sa pinto ngunit hindi ko na makita doon si Sir.
"Kukuha lang ako ng tubig, ha. Maupo ka muna dito sa
