"Ayan! Ang ganda-ganda mo na lalo, bebe girl! Inggit na talaga ako. Sana all!" nakangusong sabi ni ate Gina habang sinusuklayan at inaayos niya ang mahaba kong buhok sa harap ng salamin.
Narito kami ngayon sa aking silid at nakabihis na rin ako. Papasyal daw kami sa labas kasama si Sir pero dadaan daw muna kami ng hospital.
"Maganda ka rin naman, ate Gina eh. 'Wag ka lang sisimangot," sagot ko naman sa kanya sa repleksyon ng salamin at binigyan siya ng matamis na ngiti.
"Ayt! Marunong ka na mambola, bebe ko ha. Pero sabi ko na nga ba maganda ako eh. Sabi ng nanay ko 'yon eh."
"Oh tara na kayo. Tama na ang bolahan niyo d'yan at naghihintay na si Sir sa sala," sabi ni ate Doray na biglang sumulpot sa pinto ng aking silid.
"Oh naghihintay na raw si Sir. Tara na, bebe girl." Kaagad akong
