****
“I badly missed you, guys,” malungkot niyang bulong at nagpakawala ng isang malalim na buntong-hininga. Ang ganda sanang bumalik sa nakaraan. Sa panahong nag-aaral pa siya ng high school sa probinsya. Tanging pagpapakasaya lang ang inaatupag at walang mabigat na problemang pinapasan. Gigising nang magaan ang pakiramdam at natutulog nang may ngiti sa labi.
Minsan lang siya nagpapakawala ng seryosong desisyon para sa sarili dahil mas ipinagkakatiwala niya ang halos lahat ng pasya sa mga magulang niya. At ang minsang iyon ay hindi niya kailan man pinagsisisihan dahil isa iyon sa bumuo ng pagkatao niya. Ginising ng minsang iyon ang mga positibong nakatago sa kan’yang sarili na hindi niya akalaing magagawa niya. Kaya kahit ano pa man ang mangyayari ay walang papalit sa masayang ala ala
