Kalalabas lang niya ng tent pagkatapos magpalit ng damit. Dahil mas tumitindi na ang init ay nagsuot na lang siya ng kulay puting sleeveless na may pabilog na naka-print “To the mountains and never back”. Pinaibabawan muna niya iyon ng manipis at malambot na cardigan sweatshirt na bukas ang harapan upang maaliwalas pa rin ang pakiramdan niya. Panangga lang niya iyon na nangangalit na sikat ng araw pero mamaya ay tatanggalin rin naman niya iyon.
Umupo siya sa isang malaking putol na puno ng niyog na nakahiga sa lupa. Mula roon ay malaya niyang napagmasdan ang mga kasama niyang naglalaro. May mga tao pa rin naman sa kinaroroonan niya. Nadadaanan kasi iyon kaya may iilang pumarito’t pumaroon sa gawi niya.
“As in, girl! Ang sarap niyang kausap. Akala ko nga suplado pero hindi naman pal
