Mariin pa rin ang pagkapikit ng kanyang mga mata nang ibaba siya ni Jacob. Hindi nawawala hanggang sa mga sandaling iyon ang pagwawala ng puso niya. Dahan-dahang ibinuka niya ang mga mata at ang gwapong mukha nito ang agad na bumungad sa kan’ya. Sobrang lawak pa rin ng ngiti nito, maging ang mga mata ay nakangiti rin gawa nang pagkasingkit ng mga iyon na may kasama pang pagningning. Halos magkalapit ang mga mukha nila at dama niya ang hininga nitong bumubuga sa kanyang mukha.
Nanatili sila sa ganoong posisyon ng ilang minuto hanggang sa natauhan siya. Nanatili pa pala itong nakayakap sa kan’ya. Ginapangan siya ng hiya sa katawan, hindi lang dito kun’di pati sa mga taong nanonood sa kanila.
Tumikhim siya. Tipid niya itong nginitian bago kumalas sa mga braso nito. Yumuko siya dahil hindi
