Saktong pagdating niya sa plaza ay naghahanda na ang mga kasama niya para sa susunod na laro, iyon ay ang Tug of War. Binubuo pa rin ng sampung katao sa bawat koponan, magkahalong babae at lalaki. Nagpasya siyang sumali dahil pakiramdam niya’y na-recharge na ulit siya. Hindi niya nakita sa paligid si Jacob. Bigla naman siyang natigilan sa isiping iyon. At bakit nga ba hinahanap ng mata niya ito? Nailing na lang siya sa tinuran ng kanyang sarili.
Naubos na yata ang natirang buong lakas niya sa kahihila ng tali, samahan pa sa tindi ng sikat ng araw na animo’y nangangagat sa balat subalit sa kasamaang palad ay natalo pa rin sila. Halos sabay pa silang lahat na muntikan nang mapasubsob sa damuhan, mabuti na lang at naging maagap siya sa pagtukod ng kanyang siko kaya hindi siya tuluyang napaha
