--- Mae ---
Mga nakahandang bangka para sa karera ng kayaking ang bumungad sa kanila pagdating sa dalampasigan. May mga nakabantay na ring bangka sa ‘di kalayuan, ang mga ito ang magsisilbing likuan ng mga kalahok. Maliban sa mga ito ay may mga speed boats ring nakaantabay kung sakaling may aksidenteng mangyayari.
Nilapitan nila ang ka-grupo nilang naghahanda na. Limang babae at limang lalaki ang mga ito. Kanina pa bumabagabag sa kan’ya ang kamay ni Jacob nasa siko niya. Naiilang siya sa pagdampi ng mainit na palad nito at ang paminsan-minsang pagdikit ng mga balat nila. Kung bakit ba kasi ito palaging nakasunod sa kan’ya, malawak naman ang lugar? Pasimple niyang hinablot si Judy at iginiya palapit sa mga kasali sa kayaking upang tuluyang mabitiwan ni Jacob ang siko niya.
Pagkaasiwa ri
