***Mae***
Habang naglalakad ay panay ang ngiti ni Mae dahil nasasabik siya sa magiging reaksyon ni Jacob na paniguradong bubuo ng araw niya. Alam niyang maiinis ito dahil nakayanan niya ang trabahong binigay nito upang pahirapan siya. Naghanda pa siya ng linyang sasabihin kapag kaharap na niya ito mamaya na pina-practice niya sa loob ng elevator.
Paglabas niya ng lift ay bumungad sa kan’ya ang sekretarya. Ang silid kasi nito ay nasa gilid ng sa CEO’s office at nakaharap sa elevator. Hindi gaanong malaki ang espasyong sakop ng opisina nito subalit sa tingin niya ay kaya namang umukopa ng anim na tao sa loob. Glass type rin ang dingding at may intercom sa gilid na siyang daan upang makapag-usap sila ng CEO kahit pa nasa labas siya.
Nang nakita siya nito ay agad na iminuwestra nitong walan
