Kanina pa nahatid ang pagkaing inorder ko, subalit heto ako ngayon, nanatiling nakatayo sa hidden spot habang hawak ang mga ito. Kumakalam na rin ang sikmura ko sa gutom, pero maaatim ko bang maunang kumain na kahit alam kong may kasama ako na hanggang ngayon ay hindi pa rin naghapunan?
Tinawag ko ang gwardiyang nakatuka sa entrance, at inihabiling ipabigay na lang kay Mae ang pagkaing para sa kan’ya mamayang matapos itong magtrabaho. Sinabi ko na ring huwag ipaalam kung kanino galing iyon.
Bumalik ulit ako sa aking silid at kinuha roon ang botelya ng whiskey saka lumabas ulit. Lulan ng lift ay binaybay ko ang papunta sa rooftop. Doon na lang ako maghapunan at magpalipas ng oras hangga’t hindi pa natatapos ang babaeng nasa ibaba. ‘Di ko akalaing pati ako ay madadamay sa parusa ko sa is
