Ipinagpasalamat niyang malakas ang tugtog kaya hindi sila narinig nito. May kadiliman ang palapag na kanilang kinatatayuan. Pinagpawisan siya nang malapot dahil sa ginawa ng kaibigan niya kaya pabirong sinapak niya ito habang ito naman ay kuntodo sa pag-ilag, hawak ang tiyan sa labis na pagtawa.
“Sira-ulo!” nailing niyang saad. Napabuga siya ng hangin dahil sa kaba.
Ibinalik niya ang tingin sa stage. Talagang na love at first sight siya sa dalaga. Kahit simple lang ang suot nitong high cut shoes, tattered jeans at itim na T-shirt na may naka-print sa harap na Campus Band ay lumilitaw pa rin ang kaputian nito at gandang pilit na kumakawala lalo na sa buhok nitong bahagyang pinakulot sa dulo.
Nahalata niyang medyo nahihiya ito na pilit naman nitong itago. Sa tingin niya ay hindi ito sana
