Pagdating nila roon ay kan’ya-kan’ya sa paghahanda ang mga kasama niya. Ang iba ay inilatag ang dalang mga tent. Samantalang siya ay iginiya ni Charie sa isang bungalow type na bahay. Pumasok siya roon. Maaliwalas ang loob niyon. Purong puti ang pinturang gamit maliban sa iilang chestnut brown na ginamit para sa molding at octagon design sa kisame. Simple lang ang loob, walang gaanong gamit aside sa basic amenities tulad ng isang malaking aparador, side table, isang sopa at king sized bed. May CR din sa loob. Talagang pangtulugan lang talaga ito sa mga bisita. Hindi ito ang tipong matitirhan sa pang-araw-araw dahil walang kusina at ibang electric devices. Naka-built in naman sa dingding ang malaking flat screen tv.
“Sir, nasa white house nga po pala si Mr. Ching at hinihintay niya po k
