Nang huminto ang sasakyan nila sa isang malaking bahay ay rinig ni Mae mula sa labas ang tugtog galing sa bahay na iyon. Hindi muna ipinasok ni Jacob ang sasakyan at sandaling kinausap siya. Pansin din niya ang nasa lagpas sa sampung sasakyan na naka-park sa labas ng bahay na iyon.
“May party yata sa loob,” mahinang usal niya.
“Yeah. Actually it’s nanay’s fifty-eight birthday today.” Kita niya ang pagkislap ng mata nito nang mabanggit ang salitang nanay.
Kumunot ang noo niya. “Sinong nanay?” Marami kasi itong tinatawag na nanay. Nais pa rin niyang malaman kung sinong nanay ang tinutukoy nito.
“Our one and only Nanay Jacinta, Love.” Nilakipan ni Jacob ng ngiti ang pagsagot nito niyon. Kasabay nang pamimilog ng kanyang mata ay ang pagtahip ng kanyang dibdib dahil sa kaba. Ila
