CHAPTER 60
MALAKAS ANG kabog ng dibdib ni Kirsten habang nakaabang siya sa labas ng bahay ni Lavi. Hindi niya pinarada ang sasakyan sa mismong tapat niyon dahil ayaw niyang magpakita talaga. Wala roon ang sasakyan nito kaya alam niyang hindi pa ito nakakauwi. Ilang beses din niyang sinubukan na tawagan si Lavi ngunit wala pa rin itong sagot o kahit reply sa kaniyang text messages. Naipipilig na lang niya ang ulo sa tuwing maiisip na nbaka gawin din sa kaniya nito ang ginawang panloloko sa kaniyang ni Anthony.
Hindi siya ganoon kaapektado kay Anthony dahil alam din niyang may kasalanan siya ngunit ngayon, tila ba hindi niya lubos maisip kung kakayanin ba niya kung sakaling gawin nga iyon ng nobya niya. Napalunok siya saka muling ni-dial ang numero ni Lavi. Naka-off na iyon kaya mas lalo
