CHAPTER 61
WALANG KIBO si Kirsten habang pinagmamasdan niya si Lavi sa ginagawa nitong pag-aalaga sa kaniya. Hindi siya hinayaan nitong tumayo at pinanatili lang siyang nakahiga sa kama. Masakit lang naman ang kaniyang ulo at wala namang trangkaso ngunit kung itrato siya nito ay para bang ingat na ingat sa katawan niya.
Mabuti na lang talaga at tumalab ang pinainom sa kaniya ni Lavi na paracetamol kani-kanina kaya naman hindi natuloy ang lagnat niya. Hindi naman siya sinisipon pero stress siya. Mabilis pa naman siyang maapektuhan kapag sobra siyang na-sstress. Pinikit ni Kirsten ang mga mata saka kinalma ang sarili.
Masama pa rin kasi ang loob niya sa kasintahan dahil naglihim ito sa kaniya. Isa lang naman ang gusto niya at iyon ay ang sabihin nito ang tungkol kay Selendria. Syemre kasa
