CHAPTER 23
NANG MAKARATING sila sa ospital ay kaagad na diniretso sa emergency room si Sophie habang sila ni Anthony ay pinalabas ng nurse. Nagkatinginan nilang dalawa at kitang-kita ni Kirsten ang labis na pag-aalala sa mukha ng nobyo. Naupo si Anthony sa isang silya saka hinilamos ang mga kamay sa mukha.
Siya naman ay nanatiling nakatayo lang sa harapan nito. Nag-aalala rin naman siya ngunit hindi kagaya nitong nakikita niya sa nobyo. Muli ay kinutuban siya. Bumalik ang mga sinasabi ng kaniyang mga kaibigan tungkol sa tsismis na kumakalat.
Nag-iwas siya nang tingin nang mapagawi sa kaniya ang mga mata ni Anthony. Tumikhim ito at inayos ang sarili. "B-babe, maupo ka na muna."
Hindi siya sumagot. Sinunod naman niya ang sinabi nito ngunit nanatiling tahimik lang habang pinagmamasdan si
