CHAPTER 24
HINDI ALAM ni Kirsten kung bakit kabado siya. Tumawag kasi kanina si Anthony para sabihan siyang susunduin siya nito mamaya para mag-dinner sa labas. Hindi sana siya sasama o makikipagkita rito ngunit naisip niyang ito na yata ang tamang oras upang makipaghiwalay dito.
Huminga siya nang malalim habang namimili ng isusuot mamaya. Hindi siya makapag-decide dahil kung ano-ano ang naiisip niya.
Hanggang ngayon ay hindi siya makapaniwalang mauuwi sa ganito ang relasyon nila ni Anthony. Wala pa naman itong inaamin sa kaniya na nagloko ito o nakabuntis ito ng sekretary ngunit yung pakiramdam niya, alam niyang may mali.
Hindi niya kailanman naisip na ang prince charming na pinangarap niya noong bata pa siya, na nakilala niya noong malaki na siya ay magagawang lokohin siya. Nasasakta
