Kabanata 22 - Spice's Past
Spice Trinidad
Nagkaniya-kaniya na ang lahat sa kanilang mga gagawin. Nagbigay ng signal si Skip sa mga lalaki upang lumangoy na. Si V ang naatasan upang panoorin ang lahat mula sa malayo gamit ang kaniyang kakaibang mga mata.
Ghoul, may kakayahan itong makakita mula sa malayong lugar. Kasing talas nito ang mata ng mga agila kaya mas napapadali ang pagmamanman niya.
Bukod sa matalas na pang-amoy, matalas na panlasa ay matalas din ang kaniyang paningin. Ngunit kung mas lalong tumagal ang paggamit niya nito ay magkakaroon ito ng epekto sa kaniyang katawan.
Upang magamit kasi niya ang mga matang iyon ay kinukuha naman nito ang enerhiya niya upang kapalit. Mas magandang pagkakataon ito dahil hindi naman siya nakakaramdam sa ngayon. Hindi ko nga lang alam kung ha
