NAPAPASULYAP pa si Tami kay KG. Sakay na siya sa magara nitong kotse. At katabi niya ito sa unahan. Bagay na hindi pa rin niya mapaniwalaan na mangyayari. Dati-rati ay hanggang tingin lang siya sa kotse nito. Pero ngayon, heto siya at naranasan na rin na sumakay roon. Maupo sa front seat na alam niya na pinangarap din nang mga babaeng nahuhumaling dito.
“Bakit hindi ka magpasama sa girlfriend mong kumain?” tanong pa niya mayamaya. May gusto lang naman siyang makumpirma mula rito.
“Girlfriend?” anito na may munting ngiti sa labi nang sandali siyang sulyapan. Muli nitong ibinalik ang tingin sa daan. “Mukha ba akong may girlfriend?”
Hindi siya agad nakasagot. “W-wala ba?”
“Wala,” anito na tutok sa daan ang tingin. “Kaya rest assure din na walang manghihila sa buhok mo kung may makakita ma
