NANG maglabasan sa school sina Tami ay hindi siya nagpasundo sa kanilang family driver nang hapon na iyon. Nagpaalam naman siya sa kaniyang ama na pupunta siya sa Mall para bumili ng gagamitin niya sa kaniyang school project. Sasakay na lang siya ng taxi kapag pauwi na siya.
Hindi katulad sa Mori High University, ang main gate ng Mori High Academy ay medyo malapit lang sa mismong highway kaya nilakad lang niya ang papunta sa may labasan.
“Tami, bakit parang wala ka ngayong sundo?” tanong pa sa kaniya nang kaniyang kaklase na babae nang makita siyang naglalakad.
“May pupuntahan pa kasi ako,” sagot niya rito na tipid pa itong nginitian bago nagpatuloy sa paglalakad.
Nang makarating sa may tabing highway ay naglakad-lakad pa siya sa may sidewalk. Ang tingin niya ay nakatuon lang sa kaniya
