PINAGMASDAN ni Tami ang kaniyang sarili sa harap ng salamin. May kapilyahan na naman siyang naiisip para kay KG nang gabing iyon. Nakasuot siya nang nighties na yari ang tela sa mamahaling silk. Kulay baby pink iyon na bagay na bagay ang kulay sa kaniyang mala-porselanang kutis.
Hindi naman iyon sobrang iksi. Huwag lang siyang titingkayad nang sobra dahil tiyak na makikita ang hindi dapat makita. Bukod sa underwear na suot ay wala na siyang iba pang panloob sa katawan. Kaya tiyak niya na kapag dumikit siya kay KG ay ramdam na ramdam nito ang kaniyang katawan.
Matapos nilang maghapunan kanina ay dumiretso muna si KG sa may study room. Mukhang may gagawin itong importante. Kaya naman sinamantala niya iyon para paghandaan ang sarili.
Ginagawa niya ito para isalba ang sarili mula sa kalungk
