UNTI-UNTING iminulat ni Tami ang kaniyang mga mata. Sobrang gaan ng kaniyang pakiramdam nang magising siya mula sa pagkakatulog. Agad naagaw ng pansin niya ang dextrose na nakakabit sa kaniyang kamay.
Nang maupo siya sa kama ay maingat niyang inalis sa kaniyang kamay ang pagkakatusok doon ng karayom. Hindi siya kumportable. Napasinghap siya nang maramdaman ang bahagyang hapdi. Nahawakan niya ang kamay na pinaghugutan ng karayom dahil agad doong may lumabas na dugo. Napalunok siya.
Inilibot niya ang tingin sa paligid. Walang ibang tao sa master bedroom kundi siya lang. Hawak pa rin ang kamay na bumaba siya ng kama. Noong una ay naging mabuway ang kaniyang paghakbang. Hanggang sa makuha niya ang tamang balanse. Dumiretso siya sa banyo para kumuha ng bulak sa may medicine cabinet.
Agad niy
