“ANO’NG specialty mo sa pagluluto?” tanong pa ni KG kay Tami habang nasa grocery silang dalawa.
“Easy to cook,” tipid na sagot ni Tami sa tanong ng binata.
“Mga prito?” biro pa nito sa kaniya.
“Hmmm,” sang-ayon niya. Dahil busy siya, hindi naman siya makapagluto ng mga putahe kahit na may nabili siyang libro tungkol sa pagluluto. Madalas, sa labas na siya kumakain kapag wala na talaga siyang time para magluto.
“Okay. I’ll be your chef for now. Habang magkasama tayo rito sa US. For sure na-mi-miss mo na rin ang mga lutong ulam sa atin.”
Hindi niya napigilan ang sarili na hindi sulyapan si KG. Hindi naman niya ito inuoblega sa ganoong bagay, pero willing itong gawin iyon para sa kaniya. Nagbawi siya ng tingin nang tumingin ito sa kaniya. Napangiti pa ito dahil nahuli nito na nakatingin
